கொச்சிக்கடை – போரத்தொட்ட பிரதேசத்தில் போலி பி சி ஆர் அறிக்கைகள் தயாரித்து அவற்றை பணத்திற்கு விற்பனை செய்துவந்த இடமொன்று பொலிஸ் விசேட அதிரடிப்படையினால் சுற்றிவளைக்கப்பட்டுள்ளது.
3 சந்தேக நபர்கள் பொலிஸாரால் கைது செய்யப்பட்டுள்ளனர். விமானப்படையின் புலனாய்வுப் பிரிவினர் வழங்கிய தகவலுக்கமையவே பொலிஸ் விசேட அதிரடிப்படையினால் சுற்றிவளைப்பு மேற்கொள்ளப்பட்டுள்ளது.
சந்தேக நபர்களால், வெளிநாடு செல்பவர்களுக்காக இவ்வாறான போலி பி சி ஆர் அறிக்கைகள் வழங்கப்பட்டுள்ளன. சம்பவ இடத்தில் இருந்து 17 போலி பி சி ஆர் அறிக்கைகள் மற்றும் அவற்றை அச்சிட பயன்படுத்தப்பட்ட உபகரணங்களும் கைப்பற்றப்பட்டுள்ளதாக பொலிஸ் விசேட அதிரடிப்படையினர் தெரிவித்துள்ளனர்.
