முன்னாள் ஆளுநர் அசாத் சாலி மாரடைப்பு காரணமாக வைத்தியசாலையில் அனுமதி

தடுப்புக் காவலில் உள்ள முன்னாள் ஆளுநர் அசாத் சாலி மாரடைப்பு காரணமாக கொழும்பு தேசிய வைத்தியசாலையில் அனுமதிக்கப்பட்டுள்ளார்

தடுப்புக் காவலில் உள்ள மேல் மாகாண முன்னாள் ஆளுநர் அசாத் சாலியின் உடல் நிலை பாதிக்­கப்­பட்­டுள்­ள­தா­கவும், அவ­ருக்கு உட­ன­டி­யாக உரிய சிகிச்­சைகள் வழங்­கப்­ப­டாது ஏதும் பாதிப்­புக்கள் ஏற்­ப­டு­மாக இருப்பின் அதற்கு சி.ஐ.டி.யினரே பொறுப்புக் கூற வேண்டும் என அவ­ரது சட்­டத்­த­ரணி கௌரி சங்­கரி தவ­ராசா அறி­வித்­துள்ளார்.

சி.ஐ.டி.யின் பிர­தானி பிரதிப் பொலிஸ் மா அதிபர் பிரசாத் ரண­சிங்க, பணிப்­பாளர் சிரேஷ்ட பொலிஸ் அத்­தி­யட்சர் ரொஹான் பிரே­ம­ரத்ன மற்றும் பொறுப்­ப­தி­காரி ஜயந்த பயா­கல ஆகி­யோ­ருக்கு விஷேட கடிதம் ஊடாக சிரேஷ்ட சட்­டத்­த­ரணி கௌரி சங்­கரி தவ­ராசா இதனை அறி­வித்­துள்ளார்.

தடுப்புக் காவலில் உள்ள அசாத் சாலியின் மனை­வியின் அறி­வு­றுத்­த­லுக்கு அமைய சிரேஷ்ட சட்­டத்­த­ரணி கௌரி சங்­கரி தவ­ராசா இந்த கடி­தத்தை அனுப்பி வைத்­துள்ளார். அசாத் சாலிக்கு உரிய சிகிச்சையளிக்காது அவருக்கு ஏதும் பாதிப்பு ஏற்பட்டால் சி.ஐ.டி.யே பொறுப்புக் கூற வேண்டும் என்ற அவசர கடிதம் அனுப்பப்பட்டுள்ளது.

உயிர்த்த ஞாயிறு தாக்­கு­தல்கள் குறித்த விசா­ர­ணை­க­ளுக்­காக அசாத் சாலி கைது செய்­யப்ப்ட்டு தடுத்து வைக்­கப்­பட்­டுள்ள நிலையில் அவ­ரது கைது மற்றும் தடுத்து வைப்­புக்கு எதி­ராக உயர் நீதி­மன்றில் கடந்த ஏப்ரல் 5 ஆம் திகதி அடிப்­படை உரிமை மீறல் மனு­வொன்று அசாத் சாலி சார்பில் தாக்கல் செய்­யப்­பட்­டுள்­ளது.